«ՌԴ-ն ամեն կերպ կաջակցի հայ-ադրբեջանական հարաբերությունների կարգավորմանն ու խաղաղության համաձայնագրի կնքմանը՝ Ռուսաստանի, Ադրբեջանի ու Հայաստանի ղեկավարների 2020-22թթ․ եռակողմ հայտարարությունների հիման վրա»,- հայտարարել է ՌԴ նախագահ Վլադիմիր Պուտինը։
Նրա խոսքով՝ ՌԴ-ն պատրաստ է նպաստել նաև հայ-ադրբեջանական սահմանի սահմանագծմանն ու սահմանազատմանը, տրանսպորտային ուղիների ապաշրջափակմանն ու հումանիտար կոնտակտների հաստատմանը․
«Ելնում ենք նրանից, որ Հարավային Կովկասում ամուր խաղաղությունն ու կայունությունն ամբողջությամբ համապատասխանում են այս տարածաշրջանի բոլոր երկրների ու ժողովուրդների հետաքրքրությունից»,- ասել է նա։
Որպես ամփոփում՝ Պուտինը շեշտել է, որ լիովին գոհ է այցի շրջանակներում ձեռք բերված պայմանավորվածություններից։
Պուտինն Ալիևին հրավիրել է հոկտեմբերին Մոսկվայում կայանալիք ԱՊՀ պետությունների ղեկավարների խորհրդի նիստին և Աուտրիչ ձևաչափով հանդիպմանը, որը կանցկացվի Կազանում ԲՐԻԿՍ գագաթնաժողովի շրջանակներում։
