Միացյալ Նահանգները քննարկում է «123 համաձայնագրին» միանալու Հայաստանի հայտը, որը թույլ կտա ձեռք բերել ամերիկյան քաղաքացիական միջուկային տեխնոլոգիաներ։ Այս մասին տեղեկություն է տարածել ԱՄՆ Պետդեպարտամենտի մամուլի ծառայությունը։
«ԱՄՆ կառավարությունը չի բացահայտում բանակցային գործընթացի մանրամասները, սակայն կարող ենք հայտնել, որ Պետդեպարտամենտը պատշաճ ուշադրություն է հատկացնում «123 համաձայնագրի» վերաբերյալ Հայաստանի հայտին»,- ասվում է հաղորդագրության մեջ։
Համաձայն ԱՄՆ դաշնային օրենքի՝ այլ երկրներ միջուկային տեխնոլոգիաներ փոխանցելու համար պահանջվում է ստորագրել ԱՄՆ Ատոմային էներգիայի գործակալության մասին օրենքի 123-րդ բաժինը:
2022 թվականի դրությամբ ԱՄՆ-ը նման պայմանագրեր է կնքել 48 երկրների ու տարածքների հետ (Հայաստանն այդ ժամանակ ցուցակում ընդգրկված չէր)։
