2023 թվականի սեպտեմբերյան աղետից հետո Ֆրեզնոյի հայ համայնքը՝ Ֆրեզնոյի բժշկական առաքելությունը, ՀՄԸՄ Սասուն մասնաճյուղը, անհատ հայեր՝ Ֆրեզնոյում ՀՀ պատվո հյուպատոս Պերճ Աբգարեանի և բժիշկ Վաչէ Վասիլեանի նախաձեռնությամբ միջոցներ են տրամադրել, որոնք ուղղվել են Արցախից բռնի տեղահանված և Հայաստան-Ադրբեջան և ՀՀ-Նախիջևան սահմանային գյուղերում հաստատված արցախցի տասնյակ ընտանիքների:
ՀՄԸՄ Ֆրեզնոյի Սասուն մասնաճյուղի տրամադրած միջոցներով վերանորոգվել է Կոթի գյուղի մանկապարտեզի դահլիճը, իսկ Ֆրեզնոյի Բժշկական առաքելությունը ամբողջությամբ վերանորոգել է Կոթիի ամբուլատորիան:
Լրագրող Թաթուլ Հակոբյանը, որպես կամավոր, համակարգել է այդ աշխատանքները:
