Ֆրանսիական Le Monde-ը գրում է, որ Ուկրաինան և ՌԴ-ն Քաթարի միջնորդությամբ օգոստոսի սկզբին բանակցություններ են վարել Դոհայում և պայմանավորվել են այլևս հարվածներ չհասցնել էներգետիկ ենթակառուցվածքներին։ Սակայն Մոսկվան խզել է այդ պայմանավորվածությունը Կուրսկի շրջանում Ուկրաինայի զինված ուժերի հարձակումից հետո:
«Գաղափարն առաջացել է հունիսի կեսերին՝ Շվեյցարիայում կայացած Ուկրաինայի խաղաղության գագաթնաժողովից հետո։ Քաթարն առաջարկել է բանակցություններ վարել էներգետիկայի շուրջ, որին Ռուսաստանը և Ուկրաինան կմասնակցեն կոնկրետ, շոշափելի արդյունքների համար: Սակայն վերջին սրացումը (ուկրաինական ներխուժումը Կուրսկ) խափանեց այդ որոշումը»,– ասել է Le Monde-ի դիվանագիտական աղբյուրը։
