ԿԳ նախկին նախարար, ՀՀԿ փոխնախագահ Արմեն Աշոտյանի կալանքի ժամկետը 3 ամսից կրճատվել է 1 ամիս` մինչև սեպտեմբերի 15-ը. այս մասին հայտնել է փաստաբան Տիգրան Աթանեսյանը։
«Վերաքննիչ հակակոռուպցիոն դատարանը մասնակի բավարարել է պաշտպանների վերաքննիչ բողոքները Արմեն Աշոտյանի կալանքի ժամկետը հերթական անգամ 3 ամսով երկարացնելու որոշման դեմ և այն կրճատել է մեկ ամսով՝ մինչև սեպտեմբերի 15-ը»,- տեղեկացրել է նա։
Պարզաբանման համար Radar Armenia-ն դիմեց Արմեն Աշոտյանի պաշտպան Տիգրան Աթանեսյանին՝ արդյո՞ք սա նշանակում է, որ սեպտեմբերի 15-ին Արմեն Աշոտյան ազատ է արձակվելու, սակայն Աթանեսյանն ասաց.
«Ոչ, սա չի նշանակում, որ սեպտեմբերի 15-ին Արմեն Աշոտյանը ազատ է արձակվելու։ ՈՒղղակի ժամկետը լրանում է այդ ժամանակ, և ոչինչ իրենց չի խանգարում ևս երկարացնեն»։
