Բորելը կոչ է արել հանել Ուկրաինայի զենքի սահմանափակումները

Եվրոպական դիվանագիտության ղեկավար Ժոզեպ Բորելը կոչ է արել չսահմանափակել ՌԴ-ի կողմից գրավված իր տարածքներն ազատագրել փորձող Ուկրաինային այն զենքի օգտագործման հարցում, որը տրամադրել են դաշնակիցները:

Բորելն իր այտարարությունն արել է Բրյուսելում՝ ԵՄ երկրների ԱԳ նախարարների ոչ պաշտոնական հանդիպման ժամանակ․

«Ուկրաինային հանձնված զենքի կիրառման սահմանափակումները պետք է վերացվեն։ Այն պետք է ամբողջ ծավալով օգտագործվի Ռուսաստանի տարածքում ռազմական օբյեկտներին հարվածներ հասցնելու համար՝ միջազգային կանոններին համապատասխան»,- հայտարարել է ԵՄ գերագույն ներկայացուցիչը՝ ողջունելով Ուկրաինայի արտգործնախարար Դմիտրի Կուլեբային․ գրում է il Messaggero-ն։

Ինչպես նշում է Tagesschau-ն, Բորելը նաև կոչ է արել ԵՄ-ին՝ ավելի շատ ռազմական օգնություն տրամադրել Ուկրաինային:

Նա մտահոգություն է հայտնել Գերմանիայից Ուկրաինային տրամադրվող օգնության հնարավոր կրճատման կապակցությամբ։