Կառավարությունը լրացում եւ փոփոխություն է առաջարկում Աշխատանքային օրենսգրքում: Նոր կարգավորումներն ԱԺ աշխատանքի եւ սոցիալական հարցերի մշտական հանձնաժողովի արտահերթ նիստում քննարկման է ներկայացրել ՀՀ արդարադատության նախարարի տեղակալ Արմենուհի Հարությունյանը եւ նշել, որ նպատակն է հստակեցնել հարկադիր պարապուրդին վերաբերող հատվածները: Փոխնախարարը պարզաբանել է, որ գործող օրենսգրքով հարկադիր պարապուրդը հնարավոր է հաշվարկել մինչեւ դատական կարգով դատական ակտի ուժի մեջ մտնելը: Արդյունքում այդ գործընթացն այնքան երկար է տեւում, որ քաղաքացին հաճախ անցնում է այլ աշխատանքի, սակայն համարվում է դեռեւս պարապուրդում գտնվող:
Առաջարկվող փոփոխությամբ հարկադիր պարապուրդի ժամանակահատվածում աշխատողի կողմից այլ գործատուի մոտ նոր աշխատանքի անցնելու բոլոր դեպքերում տվյալ ժամանակահատվածի համար հարկադիր պարապուրդի դիմաց վճարվելու է նախկին աշխատանքի համար վճարված վերջին ինն ամսվա աշխատավարձի չափով գումար: Եթե աշխատողն ինն ամսից պակաս է աշխատել, ապա տրվելու է այդ ժամանակահատվածի համար վճարված աշխատավարձի չափով գումար, ինչպես նաեւ նախկինում եւ հարկադիր պարապուրդի տվյալ ժամանակահատվածում նոր աշխատանքի դիմաց ստացած աշխատավարձերի դրական տարբերությունը: Արմենուհի Հարությունյանի խոսքով հաջորդ աշխատավայրում ավելի նվազ աշխատավարձ ստանալու դեպքում դրական տարբերությունը եւս վճարելու հնարավորություն կլինի:
Պատգամավորները հետաքրքրվել են անօրինական աշխատանքի համար դատարան դիմելու դեպքերի վերլուծությամբ, դատարանների ծանրաբեռնվածության թեթեւացման հնարավորությամբ, աշխատանքային իրավունքների ապահովման եւ օրենսդրական կարգավորման այլ խնդիրներով: Հանձնաժողովի նախագահ Հերիքնազ Տիգրանյանը մտահոգություն է հայտնել այն առնչությամբ, որ ակնկալելով ավելի բարձր փոխհատուցում՝ աշխատողը կարող է թաքցնել նոր աշխատանք գտնելու փաստը, ինչը կխթանի ստվերը: «Բայց որքան էլ երկար ձգվի հարկադիր պարապուրդի ժամանակահատվածը, միեւնույնն է՝ դատական ակտը կայացնելու պահին վճիռը կայացվում է՝ ըստ գործող իրավակարգավորումների, համաձայն որոնց՝ այն չի կարող գերազանցել 12 ամսվա գումարը: Հետեւաբար, ասել՝ եթե դատական վեճը կտեւի, ենթադրաբար, երեք տարի եւ կստանա ավելին, այստեղ ունենք սահմանափակումներ»,- նշել է հանձնաժողովի նախագահը: Այս առումով նա բարձրացրել է վերահսկողական գործառույթների արդյունավետ կիրառման խնդիրը:
Օրենքի նախագիծն արժանացել է հանձնաժողովի դրական եզրակացությանը
«Հըզբոլլահի» գործադիր խորհուրդը նոր գլխավոր քարտուղար է ընտրել Հաշեմ Սաֆիեդդինին։ Նա սպանված Նասրալլայի զարմիկն է,…
Կրթության նոր մեթոդաբանությամբ քրեական ոստիկանների պատրաստման գործընթացը մոտենում է ավարտին։ Մասնագիտական կարողությունների առավել բարելավման և…
Երևանի քաղաքապետ Տիգրան Ավինյանի գլխավորած պաշտոնական պատվիրակությունը մինչ հոկտեմբերի 1-ը կգտնվի Հռոմում։ Այցի ընթացքում երկու…
Հանրապետության տարածքում սեպտեմբերի 30-ին, հոկտեմբերի 3-ի ցերեկը, 4-ին սպասվում է առանց տեղումների եղանակ։ Հոկտեմբերի 1-ին…
Իրանի նախագահ Մասուդ Փեզեշքիանը կառավարության նիստում ելույթի ժամանակ հայտարարել է, որ անհրաժեշտ է կոշտ միջոցներ…
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Տաճարի վերաօծման արարողությանը հաջորդող…