ԱԺ պատգամավոր Գեղամ Նազարյանը պետաիրավական հարցերի մշտական հանձնաժողովի նիստում հետաքրքրվեց, թե ինչպես է կարգավորվելու օրենքը՝ կապված թենիսի կորտերի և «Սպարտակ» մարզադաշտի հետ։
Նա նաև հետաքրքրվեց, թե թենիսի կորտերի և «Սպարտակ» մարզադաշտի պես քանի կառույց է մնացել, որ արժեք և հետաքրքրություն են ներկայացնում։
ՔՊ խմբակցության պատգամավոր Սիսակ Գաբրիելյանն ասաց, որ դեռ չեն ուսումնասիրել՝ արդյո՞ք թենիսի կորտերը համարվել են ՍՍՀՄ օրոք գործող կազմակերպության սեփականություն, իսկ «Սպարտակ» մարզադաշտի դեպքում նշեց, որ խնդիրը մի փոքր բարդ է, որովհետև օտարումը տեղի է ունեցել, բայց այդ օտարման նկատմամբ դատախազությունը հայց ներկայացրել է։ Փաստացի, օտարման գործընթացը, հնարավոր է, կասեցված է։
Գաբրիելյանը նշեց, որ իր համար ցավալի է, որ կազմակերպություն կա, որ իր կանոնադրության մեջ գրել է, թե նպատակը ռազմահայրենասիրությունն է, բայց երբ գնում ես այդ գույքերի ետևից, տեսնում ես՝ «ռազմահայրենասիրական նպատակով» մերսման սրահներ ու առանձին կոտեջներ են կառուցվել։
