Ադրբեջանում երբեք չեն եղել ազատ և արդար ընտրություններ․ Հելսինկյան կոմիտե

Նորվեգիայի Հելսինկյան կոմիտեն սեպտեմբերի 4-ին հայտարարություն է տարածել՝ դատապարտելով կիրակի օրը Ադրբեջանում տեղի ունեցած արտահերթ խորհրդարանական ընտրությունները:

Զեկույցում ասվում է, որ ընտրությունները կանխատեսելի հաղթանակ բերեցին նախագահ Իլհամ Ալիևի «Նոր Ադրբեջան» կուսակցությանը: Միևնույն ժամանակ, 125-տեղանոց խորհրդարան են մտնում նաև «խամաճիկ կամ գրպանային ընդդիմադիր խմբեր»։

Հայտարարության մեջ ասվում է, որ տասնյակ ընտրատեղամասերում առկա են կեղծիքների լայնածավալ ապացույցներ՝ օգտագործելով բազմակի քվեարկության, քվեաթերթիկների լցոնման, ինչպես նաև անկախ և ընդդիմադիր դիտորդների վրա բռնություն և ճնշում գործադրելու ավանդական մեթոդներ:

«Ադրբեջանում երբեք չեն եղել ազատ և արդար ընտրություններ, և դրանք բացառություն չեն»,- ասել է հանձնաժողովի գլխավոր քարտուղար Բերիթ Լինդեմանը:

«Անցած տարիներին Ադրբեջանի իշխանություններն արել են հնարավոր ամեն ինչ՝ ոչնչացնելու քաղաքացիական հասարակության կազմակերպությունները, փակելու անկախ լրատվամիջոցները, խիստ վերահսկողություն պահպանելու հասարակական կյանքի բոլոր ասպեկտների վրա, վերացնելու քաղաքական ընդդիմությունը և ստեղծելու վախի և ահաբեկման մթնոլորտ՝ թույլ չտալով ադրբեջանցիներին բարձրաձայնել դրանք:

Նման ռեպրեսիվ պայմաններում ազատ և արդար ընտրություններն անհնարին են»,- ասել է Լինդեմանը։