Ուղեւորափոխադրումների ոլորտում սպասարկող ընկերություններին եւ օպերատորներին Կառավարությունը կազատի մաքսատուրքից՝ երրորդ երկրներից միկրոավտոբուսների ներկրման դեպքում։
Վարչապետը նշեց, որ մարզային եւ միջմարզային տրանսպորտային մրցույթները չեն կայանում կամ խնդիրներ են առաջանում ու Կառավարության խնդիրն է, որ համայնքների ու Երեւանի միջեւ լինի նորմալ տրանսպորտային հաղորդակցություն։
«Տեսնում ենք, որ մարդիկ մրցույթներին չեն մասնակցում կամ այդտեղ մենաշնորհացման վտանգներ ենք տեսնում եւ այս գործիքով ուզում ենք ավելի գրավի դարձնել այդ ներդրումները», – ասաց նա։
