Վարչապետ Նիկոլ Փաշինյանը կառավարության նիստում խոսել է մարզերի ճանապարհների նորոգման և հիմնանորոգման խնդիրներից.
«Շատ կարևոր է, որ մենք, այդ թվում գյուղական ճանապարհները նախագծելիս, գծանշումները պարտադիր ներառենք։ Ընդ որում, դրանք նախագծի արժեքը էականորեն չեն մեծացնի, բայց գծանշումը ցանկացած գյուղում էական մթնոլորտ է փոխում։ Չեմ ասում՝ հին ճանապարհները, բայց բոլոր ճանապարհները, որոնք լավ վիճակում են, այդ թվում՝ գյուղական բնակավայրերում, պետք է գծանշել, որովհետև հավատում և տեսնում եմ, որ դա մթնոլորտի էական փոփոխություն է»,- ասաց նա։
Ըստ վարչապետի՝ այն նաև վերաբերմունք է մարդկանց նկատմամբ։
