Իրանի նորանշանակ արտգործնախարար Արաղչին սոցիալական X հարթակում այս բովանդակությամբ գրառում է կատարել. «Խաղաղությունը, անվտանգությունը եւ տարածաշրջանային կայունությունը ոչ միայն առաջնահերթություն են, այլեւ մեր ազգային անվտանգության հենասյուներից մեկը, եւ մեր հարեւանների տարածքային ամբողջականությանը ցանկացած սպառնալիք կամ սահմանների վերանայումը, լինի դա հյուսիսում, հարավում, արեւելքում, թե արեւմուտքում բացարձակապես անընդունելի է եւ Իրանի համար՝ կարմիր գիծ»:
Զուգահեռաբար Բաքվի լրատվամիջոցները գրում են, որ Թեհրան այցի ընթացքում ՌԴ Անվտանգության խորհրդի քարտուղար Շոյգուին «չի հաջողվել» Զանգեզուրի միջանցքի հարցում համաձայնության հասնել:
Ռուսաստանը եւ Իրանը քննարկում են համապարփակ համագործակցության մասին պայմանագրի նախագիծը:
Նախնական տպավորությամբ՝ այն պետք է ստորագրման ներկայացվեր ԲՐԻԿՍ-ի Կազանի գագաթաժողովի շրջանակներում: Հայաստանի հարավում կոմունիկացիաների հարցով Մոսկվայի եւ Թեհրանի տարաձայնությունները կարող են պատճառ դառնալ, որ պայմանագրի ստորագրումը հետաձգվի:
Թիվ 1 սյունակ, Վահրամ Աթանեսյան
