Տասնհինգ տարի Արցախի Ազգային ժողովի նախագահ պաշտոնավարած Աշոտ Ղուլյանը, որ 2020թ. մայիս-դեկտեմբեր ամիսներին Հայաստանի խորհրդարանի նախագահ Արարատ Միրզոյանի օգնականն է եղել, այսօր ասում է, որ տարածաշրջանի բոլոր երկրներից միայն Հայաստանն է, որ «քայլերը ճիշտ չի հաշվարկել»:
Նա ԱԺ նախագահ է ընտրվել 2005 թվականին, երբ իր գլխավորած Արցախի ժողովրդավարական կուսակցությունը խորհրդարանում ուներ բացարձակ մեծամասնություն: Հինգ տարի հետո ԱԺԿ-ն առաջնությունը զիջել է Ազատ հայրենիք կուսակցությանը, բայց դա չի խանգարել, որ նա մնա իր պաշտոնին: 2015թ. ընտրություններում Արցախի ժողովրդավարական կուսակցությունը երրորդ տեղում էր, ինքը՝ դարձյալ ԱԺ նախագահի պաշտոնում:
Միայն քաղաքական «փայլուն» գործիչը կարող էր խորհրդարանական բացարձակ մեծամասնություն ունեցող կուսակցությունը հասցնել երեք մանդատ մուրացողի «մակարդակի» եւ միաժամանակ անձնական հարցեր լուծելու ամենաճիշտ հաշվարկն անել:
Թիվ 1 սյունակ, Վահրամ Աթանեսյան
