Սեպտեմբերի 1-ից Ռուսաստանը դադարեցնում է Աբխազիայի բյուջեի սպասրակումը: Իսկ եկող տարեսկզբից Աբխազիան ստիպված կլինի էլեկտրաէներգիայի համար վճարել կոմերցիոն գներով:
Սուխումում քաղաքական ճգնաժամ է սկսվում: Աբխազիայի ընդդիմությունը պահանջում է Ռուսաստանին զրկել բոլոր արտոնություններից:
Խոսքը մասնավորապես խորհրդային ժամանակներից Աբխազիայի տարածքում առողջարանային համալիրների մասին է, որ հանձնված են ՌԴ նախագահի աշխատակազմի տնօրինությանը:Apsny.ge կայքը գրում է, որ մոտ ժամանակներս Աբխազիայի նախագահ Բժանիան հրաժարական կտա:
Օգոստոսի 26-ին նա եղել է Մոսկվայում, հանդիպել նախագահի աշխատակազմի ղեկավարի տեղակալ Կոզակի հետ եւ ոչինչ հուսադրող չի լսել:Ռուսաստանցի քաղաքագետ Լեոնիդ Ռաձիխովսկին Բաքվի լրատվամիջոցներից մեկին տված հարցազրույցում խոստովանել է, որ Աբխազիայում անջատողականությունը հրահրեել է Ռուսաստանը եւ այժմ, երբ Վրաստանի իշխանությունները հակառուսական դաշինքին չեն միանում, Մոսկվան որոշել է պարտքը հատուցել:
Ըստ քաղաքագետի, Վրաստանը կհամաձայնի, որ Ցխինվալիի անմարդաբնակ շրջանը միավորվի Հյուսիսային Օսեթիային եւ մտնի Ռուսաստանի կազմ, իսկ Աբխազիան Վրաստանի կազմում կպահպանի ինքնավարության բարձր կարգավիճակը: Այս ծրագիրը, սակայն, գործի կդրվի այն դեպքում, եթե ընտրություններում «Վրացական երազանքը» հաղթի:
Ռաձիխովսկին ասել է, որ Աբխազիայի վերաինտեգրումը միանգամից չի լինի: Կգործի, «Ռուսաստանը վերադարձնում է Աբխազիան, որպեսզի ստանա ամբողջական Վրաստանը» սկզբունքը:
Թիվ 1 սյունակ, Վահրամ Աթանեսյան
