Ռուսաստանի նախագահ Վլադիմիր Պուտինը Հյուսիսային Կորեայի առաջնորդ Կիմ Չեն Ընին հանրապետության հիմնադրման 76-րդ տարեդարձի կապակցությամբ հղած հեռագրում վստահություն է հայտնել, որ երկրները համակարգված կերպով կամրապնդեն համապարփակ ռազմավարական գործընկերությունը․
«Ընդունեք սրտանց շնորհավորանքներս Կորեայի Ժողովրդադեմոկրատական Հանրապետության կազմավորման 76-րդ տարեդարձի կապակցությամբ: Վստահ եմ, որ համատեղ ջանքերով մենք հետագայում ևս համակարգված կերպով կամրապնդենք Ռուսաստանի և ԿԺԴՀ-ի միջև համապարփակ ռազմավարական գործընկերությունը»,-ասվում է հեռագրում։
Պուտինը նաև նշել է, որ Փհենյանում վերջերս կայացած կառուցողական և բովանդակալից բանակցությունները հաստատել են այն փաստը, որ բարեկամության և բարիդրացիության վրա հիմնված ՌԴ-ի և Հյուսիսային Կորեայի հարաբերությունները գտնվում են բարձր մակարդակի վրա։
