Irna գործակալությունը հայտնում է, որ Իրանի Ազգային անվտանգության բարձրագույն խորհրդի քարտուղար Ալի Աքբար Ահմադիանին մեկնել է Մոսկվա, որպեսզի ԲՐԻԿՍ-ի անդամ երկրների անվտանգության հարցերով բարձր պաշտոնյաների հետ քննարկումներ անցկացնի:
Իսլամական հանրապետության պաշտոնական գործակալությունը հայտնում է, որ Աշտիանին նաեւ երկկողմ բանակցություններ կվարի՝ կապված այսպես կոչված «Զանգեզուրի միջանցքի» հարցի հետ:
Ըստ էության, Իրանի Ազգային անվտանգության բարձրագույն խորհրդի քարտուղար մոսկովյան այցի բուն նպատակ կարելի է համարել հենց այդ հարցի շուրջ բանակցությունները:
Խոսքը կոնկրետ Ռուսաստանի պատասխանատու պաշտոնյաների հետ քննարկումների մասին է:
Իրանական կողմը վերջին օրերին մի քանի անգամ հայտարարել է, որ եթե «Զանգեզուրի միջանցքի» հարցում Մոսկվան դիրքորոշում չփոխի, ապա ռուս-իրանական համապարփակ համագործակցության մասին պայմանագիրը կարող է չստորագրվել:
Եթե հանգամանքները դասավորվել այլ կերպ, ապա շատ հավանական է, որ Իրանի նախագահը ԲՐԻԿՍ-ի գագաթաժողովին չմասնակցի: Իսկ դա կնշանակի, որ Իրանը կասեցնում է այդ կազմակերպությանն անդամակցությունը: Դա լուրջ հարված կլինի ՌԴ նախագահ Պուտինի հեղինակությանը, որ առանց այդ էլ միջազգայնորեն բարձր չէ:
Թիվ 1 սյունակ, Վահրամ Աթանեսյան
