ԱԺ ՔՊ խմբակցության պատգամավոր Սոնա Ղազարյանը հայտարարել է, թե Եվրոպական միությունն ու Միութենական պետությունը անհամեմատելի միավորներ են։
«Արդյո՞ք դուք չեք նկատում պետությունների սուվերենության զիջման ու պետությունների փոխհարաբերության տարբերությունն այս երկու միավորներում»,- ասել է նա՝ դիմելով ընդդիմադիր խմբակցություններին։
Ըստ Ղազարյանի՝ ԵՄ-ում պետությունները հարաբերվում են ինքնիշխանության, սուվերենության, պետականության ու հարգանքի շուրջ. «Ցանկությունը՝ միանալ ժողովրդավարության հիմքով կազմված միությանը, որտեղ պետություններն իրար նկատմամբ հարգանքով են ու մեկ այլ միութենական պետությանը, որտեղ փոխհարաբերությունները լրիվ այլ են ու հարգանքն այլ արժեքների նկատմամբ է, բացահայտ է»։
