Մեր նպատակը պարզ է՝ ընձեռել մեր ժողովրդին հնարավորությունը արտահայտելու իրենց կամքը. Բաբաջանյան

«Հանուն Հանրապետության» կուակցության նախագահ Արման Բաբաջանյանը գրել է.

Սեպտեմբերի 16-ից մեկնարկում է Հայաստանի ԵՄ անդամակցության հարցով հանրաքվե անցկացնելու առաջարկով ստորագրահավաքը։

Որպես այս նախաձեռնության անդամ կուսակցության ղեկավար վստահ եմ, որ այս գործընթացը մեր երկրի ապագայի, մեր երկրի ինքնիշխան հարատևության նկատմամբ ստանձնած պատասխանատվության կարևոր արտահայտություն է դառնալու։

Մեր նպատակը պարզ է՝ ընձեռել մեր ժողովրդին հնարավորությունը արտահայտելու իրենց կամքը՝ արդյոք ցանկանում են Հայաստանի տեսնել եվրոպական ընտանիքում, որտեղ մարդու իրավունքները, ժողովրդավարությունը և օրենքի գերակայությունը կարևորագույն արժեքներ են։

Սա ճանապարհ է դեպի ավելի անվտանգ, ապահով, տնտեսական զարգացման և տարածաշրջանային խաղաղության ամրապնդման մի միջավայր, որն ապահովելու, երաշխավորելու է մեր սերունդների ապագան։

Սպասեք մեզ ձեր գյուղերում, քաղաքներում, ավաններում, մարզերում և, եթե հրավիրեք ձեր տներում:

Կեցցե’ անվտանգ, ուժեղ, ինքնիշխան, բարեկեցիկ, առաջադեմ Հայաստանը։