«Հայաստանում անկախ դատական համակարգ ունենալու պատասխանատվությունը կրում է կառավարությունը և խորհրդարանական մեծամասնությունը»,- հայտարարել է վարչապետ Նիկոլ Փաշինյանը՝ ԱԺ «Հայաստան» խմբակցության պատգամավոր Լևոն Քոչարյանի հարցին ի պատասխան։
«Ես չեմ կարծում, թե Հայաստանում ունենք լիարժեք դատական համակարգ»,- ասել է Փաշինյանը՝ հավելելով, որ Քոչարյանն ու «Հայաստան» խմբակցության շատ ներկայացուցիչներ «առաջվա լծակները մինչ այսօր պահում են դատական համակարգի վրա»։
Ըստ նրա՝ անկախ դատական համակարգ ունենալը մեկ քայլանի գործողություն չէ. «Անկախ դատական համակարգի բացակայության սոցիալ-հոգեբանական արմատները գտնվում են Հայաստանի իրավաբանական կրթության տիրույթում»։
Նա շեշտել է, որ անկախ դատական համակարգ ունենալը երկրի զարգացման համար ծայրահեղ անհրաժեշտություն է, և իրենք գնում են այդ ճանապարհով։
