Լուրերը, թե ՀՀ-ում հանցավոր վակխանալիա է, չափազանցված են. Փաշինյան

Լուրերը, թե Հայաստանում հանցավոր վակխանալիա է, չափազանցված են, այս մասին կառավարության նիստում հայտարարեց վարչապետ Նիկոլ Փաշինյանը՝ լսելով Գլխավոր դատախազ Աննա Վարդապետյանի ու Քննչական կոմիտեի նախագահ Արգիշտի Քյարամյանի զեկույցները։

Նա ասաց, թե հանցագործության մասին հաղորդող անձանց ու իրավապահ մարմինների հետ համագործակցող անձանց համար պետք է ստեղծել մաքսիմալ կոմֆորտ ու հարգանք։

«Վերջերս ինձ մի դեպքի մասին պատմեցին, ծանոթ մարդկանցից մեկն ասում է՝ երեկոյան 23։00-ին կինը ոստիկանությանն ահազանգել է հանցանքի մասին, ասում է՝ գիշերվա ժամը 4-ին իրավապահները զանգում են կնոջն ու ասում ՝ «պետք է գաք, որ ձեզ հարցաքննենք»։ Եթե նման բան՝ դա արդեն պրոբլեմատիկ է հնչում, հանցագործության մասին հայտնած անձը պետք է զգա, որ լավ բան է արել ու իրեն չեն պատժում դրա համար»,- նշեց Նիկոլ Փաշինյանը։