Վարչապետ Նիկոլ Փաշինյանը Համաշխարհային հայկական գագաթնաժողովի ընթացքում անդրադառնալով Բաքվից հնչող մեղադրանքներին, թե Հայաստանը զինվում է՝ հղում արեց ՄԱԿ կանոնդադրության 51-րդ հոդվածին, որը յուրաքանչյուր երկրի իր ինքնապաշտպանության համար անհրաժեշտ միջոցներ ձեռնարկելու հնարավորություն է տալիս։
Վարչապետը վերահաստատեց՝ Հայաստանը ճանաչում է տարածաշրջանի բոլոր երկրների տարածքային ամբողջականությունը և որևէ երկրից չունի տարածքային պահանջ։
«Այո, մենք ունենք 200 քառակուսի կիլոմետր օկուպացված տարածքներ, բայց ես ուզում եմ ասել, որ ՀՀ կառավարությունը ռազմական ճանապարհով այդ տարածքները վերադարձնելու խնդիր չի դնում, որովհետև կարծում ենք, որ վերջերս Ադրբեջանի հետ ստորագրված սահմանազատման հանձնաժողովների համատեղ կանոնակարգը հավանական է դարձնում, որ մենք սահմանազատման գործընթացում բանակցային գործընթացով կկարողանանք մեր այդ խնդիրը լուծել»,- ասաց նա։
