2024-09-23
«Մարտի 1»-ի գործի քննությունը սկսվելու է զրոյից. դատախազ
Բոլորին հայտնի են սույն գործով Սահմանադրական դատարանի ու Վճռաբեկ դատարանի կայացրած որոշումները, ու հստակ արձանագրվել է, որ երբ արարքը պարունակում է Քրեական օրենսգրքով նախատեսված այլ հանցագործության հատկանիշներ, մեղադրողն իրավասու է փոխել մեղսագրվող արարքի իրավաբանական գնահատականը, այլ կերպ ասած՝ իրավական որակումը:
Այս մասին Ռոբերտ Քոչարյանի և մյուսների գործով դատական նիստից հետո լրագրողների հետ զրույցում ասաց գործով մեղադրող դատախազը՝ նշելով, որ իրավական որակումը փոխվելու է, որոշում է ներկայացվելու դատարանին և մեղադրյալներին:
Դատախազի խոսքով՝ հավելյալ կասեն, թե ինչ հոդվածով է փոխվելու որակումը:
««Մարտի 1»-ի գործի քննությունը սկսվելու է զրոյից, դեռ չենք հասել խափանման միջոցների հարցի քննությանը, դա էլ է սահմանված ընթացակարգով»,- եզրափակել է դատախազը:
Նմանատիպ Նյութեր