Կոնգրեսում աշխատանքներ են տարվում ԱՄՆ ՄԶԳ-ի և ԱՄՆ Պետդեպարտամենտի հետ Հայաստանին ավելի քան 20 մլն դոլար տրամադրելու ուղղությամբ: Այս մասին ԱՄՆ Միջազգային զարգացման գործակալության կողմից Նյու Յորքում կազմակերպված «Ժողովրդավարության արդյունքներ» բաց քննարկման ժամանակ ասաց ԱՄՆ Միջազգային զարգացման գործակալության տնօրեն Սամանթա Փաուերը:
«Այժմ ես օգտվում եմ առիթից և հայտնում, որ մենք աշխատում ենք Կոնգրեսի, ԱՄՆ ՄԶԳ-ի և ԱՄՆ Պետդեպարտամենտի հետ՝ ավելի քան 20 միլիոն դոլար տրամադրելու Հայաստանին՝ խթանելու կիբերանվտանգությունը, սահմանային և էներգետիկ անվտանգությունը և ճկունությունը»,-ասել է Սամանթա Փաուերը:
Նա ընդգծել է, որ այս տարվա գարնանը հնարավորություն է ունեցել մեկնել Բրյուսել՝ քննարկելու կոնկրետ քայլեր, որոնք կարող են ձեռնարկվել՝ աջակցելու Հայաստանի ժողովրդավարական և խաղաղ ապագային։
Փաուերն ասել է, որ հուլիսին այցելել է Երևան՝ վերսկսելու առաջընթացը և առաջին ձեռքից տեսնելու հայ ժողովրդի ջանքերը դեպի ժողովրդավարություն:
