«Մենք չենք գտնում, որ Հայաստանի հարկատուների գումարով կարելի է որևէ մեկին ուղարկել տուն, և իր առաքելությունը չիրականացնելու համար տալ այդ աշխատավարձը»,- նոյեմբերի 26-ին լրագրողների հետ զրույցում անդրադառնալով դատավորներին վաղաժամկետ թոշակի ուղարկելու նախագծին` ասաց ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը:
Նա նշեց, որ իրենք բազմիցս ասել են, որ դեմ են այդ նախագծին` նշելով, որ սա լուրջ հետևանքներ ունեցող հարց, է և այդ ճանապարհով հնարավոր չէ խնդիրները լուծել:
«Ասեմ ավելին, որ դատավորը, որ համաձայնի այդ կարգավորմանը, անցնելու է ինքնանվաստացման միջով: Այդ խնդիրների լուծումը ՍԴ փոփոխությունների միջոցով պետք է իրականացվի»,- ընդգծեց Մարուքյանը: