ՄԱԿ-ի Գլխավոր վեհաժողովի նստաշրջանի շրջանակում՝ աշխատանքի և սոցիալական հարցերի նախարար Նարեկ Մկրտչյանը մասնակցել է Հնդկաստանի օրվան նվիրված ամենամյա միջոցառման նախարարական ընդունելությանը։
Ինչպես հայտնում են ԱՍՀ նախարարությունից, հանդիպման ընթացքում տեղի է ունեցել Զարգացման գլոբալ հարացույցի վերաբերյալ պանելային քննարկում, որին ելույթներով հանդես են եկել Հնդկաստանի արտաքին գործերի նախարար Սուբրամանյամ Ջայշանկարը, Լատվիայի արտաքին գործերի նախարար Բայբա Բրաժեն, Գայանայի արտաքին գործերի նախարար Հյու Հիլթոն Թոդը, DP World խմբի նախագահ և գլխավոր գործադիր տնօրեն Սուլթան Ահմեդ բեն Սուլեյեմը և Համաշխարհային տնտեսական ֆորումի նախագահ Բորժե Բրենդեն:
Միջոցառման գլխավոր բանախոս, Reliance հիմնադրամի տնօրեն Իշա Ամբանիի հետ զրույցում քննարկվել են Հայաստանում համատեղ ծրագրեր իրականացնելու հնարավորությունները:
