Սեպտեմբերի 26-ին Ադրբեջանի նախագահ Իլհամ Ալիեւը կառավարության առանցքային պաշտոնյաների մասնակցությամբ տնտեսական հարցերին նվիրված խորհրդակցություն է անցկացրել: Ընթացիկ տարվա ութ ամիսների տվյալներով Ադրբեջանի ՀՆԱ-ն աճել է ընդամենը 0,8 տոկոսով:
Չափազանց բարդ է գյուղատնտեսության վիճակը: Ադրբեջանում պարենային ապրանքների մեծ մասը ներկրվում է, իսկ ընթացիկ տարում նկատվել է նաեւ բանջարեղենի եւ մրգի սուր դեֆիցիտ: Բայց Ալիեւի հրավիրած խորհրդակցությունը Բաքվում ուշադրության է արժանացել ոչ թե նրա կողմից գերատեսչություններին տրված հանձնարարականներով, այլ՝ պետական կարեւոր միջոցառմանը նրա որդու՝ կրտսեր Հեյդար Ալիեւի մասնակցությամբ:
Ելնելով փաստից, ադրբեջանցի քաղաքական դիտորդների մի մասը կարծիք է հայտնում, որ նա «արդեն իսկ կառավարության կառուցվածքում կարեւոր պաշտոն է զբաղեցնում»: Որոշ փորձագետներ գտնում են, որ «գահաժառանգը» մոտ ապագայում, հավանաբար՝ եկող տարեսկզբից, կարող է նշանակվել Socar պետական նավթագազային ընկերության գլխավոր տնօրենի տեղակալ՝ ինչպես ժամանակին Իլհամ Ալիեւն է այդ պաշտոնից սկսել քաղաքական կարիերան:
Այսպես, թե այնպես՝ փաստ է, որ Ադրբեջանում մեկնարկել է իշխանության տրանզիտ: Ուշագրավ է, որ մինչեւ բոլորովին վերջերս տպավորություն էր փոխանցվում, որ Իլհամ Ալիեւը «իշխանությունը կփոխանցի տիկնոջը, իսկ ինքը պետությունը կգլխավորի որպես համազգային առաջնորդ»:
Այդ վարկածն այլեւս չի շրջանառվում, իրավահաջորդի անունը հայտնի է, ե՞րբ տեղի կունենա տրանզիտը, կախված է հանգամանքներից:
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…
Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպման հարցը Ռուսաստանում ԲՐԻԿՍ-ի կամ…