Սուքիասյանն առաջարկեց որպես արդյունավետ միջոց՝ թունելներ կառուցել

Ազգային ժողովի ութերորդ գումարման 8-րդ նստաշրջանի հերթական նիստում «Քաղաքացիական պայմանագիր» խմբակցության պատգամավոր Խաչատուր Սուքիասյանը հարց ուղղեց ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանին:

Նա մասնավորապես փորձեց ճշտել, թե կա հաշվարկ, թե լույսերը լեդով փոխարինելով ինչքան կտնտեսեն և այդ տնտեսող գումարը ինչ արդյունք կտա մեզ:

Մյուս հարցը վերաբերում է ջրի կորուստներին, թե արդյոք որ ուղղությամբ են դրանք լինում` դեպի Երևան եկող ջրատարից, թե՞ երբ սկսում է բաժանվել:

Հարցին ի պատասխան` Տերտերյանը նշեց, որ ջրի կորուստները լինում են ներբնակավայրային ցանցերում:

Սուքիասյանը առաջարկեց նաև կառուցել 1.40 բարձրությամբ թունելներ և կոմունիկացիաներն իրականացնել այդ ձևով, որովհետև «ՀՀ-ն ցեմենտ է արտադրում, քարը կա»:

«Շատ երկրներ են փոքր թունելներ կառուցել և այսօր ամենարդյունավետ տարբերակն է»,- նշեց Սուքիասյանը: