Կիևը սեփական զենքով կարող է հարվածել Ռուսաստանի խորքերը․ Միլլեր

Կիևի ռեժիմը կարիք չունի Վաշինգտոնից թույլտվություն խնդրելու Ռուսաստանի տարածքում հեռահար հարվածներ հասցնելու համար, եթե դրանք իրագործի սեփական զենքով։ Այս մասին հայտարարել է ԱՄՆ Պետդեպարտամենտի խոսնակ Մեթյու Միլլերը։

«Ուկրաինան ինքնիշխան երկիր է, ուստի կարող է օգտագործել զենքերը, որոնք արտադրում է ինքնուրույն՝ Ռուսաստանի խորքերը հարվածելու համար։ Դրա համար նա ԱՄՆ-ի թույլտվության կարիք չունի»,- ասել է Պետդեպարտամենտի ներկայացուցիչը:

Նա նշել է, որ ուկրաինական զինված ուժերն իրենց տրամադրության տակ ունեն «մեծ քանակությամբ սեփական զենք ռուսական օբյեկտների վրա հարձակվելու համար»։

Միլլերը խոստացել է, որ ԱՄՆ-ը կշարունակի ռազմական օգնություն ցուցաբերել Ուկրաինային։