Հոկտեմբերի 4 –ին Ռուսաստանի արտաքին գործերի նախարար Լավրովն ընդունել է Մոսկվայում Ադրբեջանի նորանշանակ դեսպան Ռահման Մուստաֆաեւին: ՌԴ ԱԳՆ պաշտոնական հաղորդագրության համաձայն՝ նա «ջերմ ողջունել է Ռուսաստանի ռազմավարական գործընկեր եւ դաշնակից երկրի դիվանագիտական ներկայացուցչության ղեկավար եւ նրան իր գործունեության ասպարեզում հաջողություններ մաղթել»:
ՌԴ ԱԳՆ-ն նաեւ տեղեկացնում է, որ նույն օրը Բաքվի դիվանագիտական ներկայացուցիչ Մուստաֆաեւը հանդիպել է փոխարտգործնախարար Գալուզինին եւ նրան ներկայացրել իր դեսպանական հավաստագրի պատճենը:
ՌԴ փոխարտգործնարար Գալուզինը կոորդինացնում էհետխորհրդային երկրների հետ հարաբերությունները, հայտնի է որպես Ադրբեջանի հետ ռազմավարական գործընկերության ջերմ պաշտպան: Հայ-ադրբեջանական հարաբերությունների շուրջ Գալուզինը վերջին շրջանում մի քանի աղմկահարույց հայտարարություն է արել՝ պաշտպանելով, մասնավորապես, Սյունիքում հաղորդակցության բացման վերաբերյալ Բաքվի դիրքորոշումը:
Ռուսաստանի նորանշանակ դեսպանի հանդեպ արտգործնախարար Լավրովի ընդգծված ուշադրությունը վկայում է, որ կողմերի միջեւ հարաբերությունները զարգանում են վերընթաց, եւ Մոսկվան Ադրբեջանը դիտարկում է որպես Հարավային Կովկասում իր ռազմավարական դաշնակից:
Ավելի վաղ Ռւսաստանի նախագահն ընդունել է Մոսկվայում դիվանագիտական առաքելությունն ավարտած՝ Ադրբեջանի նախկին դեսպան Բյուլբյուլ-օղլուին եւ նրան շնորհել Ալեոսանդր Նեւսկու շքանշան: Սեպտեմբերի 1-ի արտահերթ խորհրդարանական ընտրություններով Բյուլբյուլ-օղլին ճանաչվել է «Շուշիի ընտրատարածքի հաղթող» եւ Ադրբեջանի Միլլի մեջլիսում պետք է ներկայացնի տեղի բնակչության շահերը:
Պաշտոնական տվյալներով, որոնց հավաստիությունը խիստ խնդրահարույց է, ներկայումս Շուշիում «բնակվում է 570 մարդ»: Ընդունված է հաշվարկել, որ բնակչության 60 տոկոսը միջին հաշվով ունի ընտրական տարիք: Շուշիում բնակվում է 342 ընտրող: Ադրբեջանի ԿԸՀ պաշտոնական տվյալներով ընտրություններին մասնակցությունը կազմել է 32 տոկոս: Այսպիսով, Փոլադ Բյուլբյուլ-օղլին Ադրբեջանի Միլլի մեջլիսի պատգամավոր է ընտրվել ոչ ավելի, քան 120 մարդու քվեով:
Այդ աղաղակող փաստը, սակայն, ՌԴ իշխանությանը չի հուզում: Ավելին, ՌԴ ԱԳՆ պաշտոնական ներկայացուցիչ Մարիա Զախարովան Ադրբեջանի ընտրություններին ԵԱՀԿ Մարդու իրավունքների եւ ժողովրդավարական ինստիտուտների բյուրոյի քննադատական գնահատականն անվանել է «հերյուրանք եւ ինքնիշխան Ադրբեջանի ներքին գործերին կոպիտ միջամտություն»:
Մոսկվան եւ Բաքուն ամրապնդում են ամբողջատիրական համակարգերի սերտաճումը:
Ազատության հրապարակն այս օրերին մարդաշատ էր․ «Գիտության շաբաթ», որի ընթացքում պատանիներն ու երիտասարդները հնարավորություն ունեցան…
Հոկտեմբերի 6-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը հայրապետական այցով մեկնեց ԱՄՆ…
Հոկտեմբերի 7-ին՝ ժամը 10:30-ից մինչև ժամը 14:00-ն, կդադարեցվի Տավուշի մարզի Լճկաձոր բնակավայրի գազասպառողների գազամատակարարումը։ Գազամատակարարումը…
Հոկտեմբերի 6-ին՝ Միածնաէջ Մայր Տաճարում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ,…
Հոկտեմբերի 6-ին՝ ժամը 10:00-ի սահմաններում, հայտնաբերվել է ՊՆ N զորամասի զինծառայող Վահե Բագրատի Հարությունյանի դին՝…
Իսրայելի հարավային Բեեր-Շևա քաղաքի երկաթուղային կայարանում անհայտ տղամարդը կրակ է բացել մարդկանց վրա։ Հրազենային հարձակման…