ԱՊԼ-ի լավագույն մարզիչները 21-րդ դարում

Goal-ը հրապարակել է Անգլիայի Պրեմիեր լիգայի 21-րդ դարի լավագույն մարզիչների վարկանիշային աղյուսակը։

Առաջին տեղը զբաղեցրել է Ալեքս Ֆերգյուսոնը, ով երկար ժամանակ մարզել է «Մանչեսթեր Յունայթեդը»։

Այս դարում շոտլանդացին «Յունայթեդի» հետ նվաճել է Պրեմիեր լիգայի 7 տիտղոս («Մանչեսթեր Յունայթեդի» ղեկին նա ընդհանուր առմամբ 13 անգամ հաղթել է ԱՊԼ-ն):

Երկրորդ տեղում «Մանչեսթեր Սիթիի» գլխավոր մարզիչ Պեպ Գվարդիոլան է, իսկ լավագույն եռյակը եզրափակել է «Արսենալի» նախկին մարզիչ Արսեն Վենգերը։

Տասնյակում են նաև Ժոզե Մոուրինյուն, Յուրգեն Կլոպը, Կարլո Անչելոտին, Ռոբերտո Մանչինին, Անտոնիո Կոնտեն, Մանուել Պելեգրինին և Կլաուդիո Ռանիերին։