Ուկրաինայի նախագահ Վոլոդիմիր Զելենսկին պատրաստ է որդեգրել ավելի ճկուն մոտեցում և քննարկել Ռուսաստանի հետ բանակցությունների պայմանները և վերջ դնել պատերազմին, հայտնել է Bloomberg-ը՝ վկայակոչելով Ուկրաինայի նախագահի և արևմտյան երկրների ղեկավարների միջև բանակցությունների ընթացքին ծանոթ պաշտոնյաներին։
Հրապարակայնորեն Զելենսկին շարունակում է պնդել ռուսական զորքերի ամբողջական դուրսբերումն Ուկրաինայից և բացառում է օկուպացված տարածքների շուրջ սակարկությունները, սակայն ուկրաինացի պաշտոնյաները հասկացրել են, որ իրենք պատրաստ են ընդունել պատերազմի ավարտի անհրաժեշտությունը և «ավելի ճկուն» դիրքորոշում որդեգրել։
Գործակալության զրուցակիցներից մեկի խոսքով՝ սեպտեմբերին Զելենսկու առաջարկած «հաղթանակի ծրագիրն» արժանացել է Վաշինգտոնի սառը ընդունելությանը, և արևմտյան դաշնակիցները մեծացրել են ճնշումը Կիևի վրա՝ ավելի կոնկրետ սցենար ներկայացնելու համար։
Իրավիճակը ճակատում, ֆինանսավորման հետ կապված դժվարությունները և ԱՄՆ-ում նախագահի գալիք ընտրությունը դրդում են Ուկրաինայի դաշնակիցներին «ավելի ուշադիր դիտարկել բանակցությունների միջոցով հակամարտությունը դադարեցնելու հնարավորությունը»,- նշել է Bloomberg-ը։
Պաշտոնապես Ուկրաինան պնդում է, որ պետք է իրականացնել Զելենսկու առաջարկած «խաղաղության բանաձևը», որը ներառում է վերադարձ 1991 թվականի սահմաններին և գրավյալ տարածքներից ռուսական զորքերի դուրսբերում։
Ռուսաստանի նախագահ Վլադիմիր Պուտինն էլ հունիսի կեսերին ներկայացրել է հակամարտության դադարեցման իր ծրագիրը։
Այն ներառում է ուկրաինական զորքերի դուրսբերում Դոնեցկի, Լուգանսկի, Զապորոժիեի և Խերսոնի շրջաններից, Կիևի կողմից այդ տարածքների նկատմամբ վերահսկողության բացակայության ճանաչում, ՆԱՏՕ-ին անդամակցելուց Ուկրաինայի հրաժարում, ոչ միջուկային երկրի կարգավիճակի ամրագրում, ինչպես նաև Ռուսաստանի նկատմամբ արևմտյան պատժամիջոցների չեղարկում։
Կիևն այդ ծրագիրն անմիջապես մերժել է՝ այն անվանելով անընդունելի։
Իսրայելի պաշտպանության բանակը Լիբանանից մոտ 90 հրթիռի արձակում է արձանագրել երկրի հյուսիսային տարածքներ, չորեքշաբթի հայտնել…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են էլեկտրաէներգիայի մատակարարման որակի…
Ֆլորիդայում մեկ օրվա ընթացքում կանխատեսվում է Երևան քաղաքում 10 ամսվա ընթացքում թափվող տեղումների քանակ: Այս…
Թուրքական ավիաուղիներ ընկերության օդաչուն Սիեթլ-Ստամբուլ չվերթի ժամանակ մահացել է, հայտնում են տեղի լրատվամիջոցները։ Նշվում է,…
Իսրայելի պաշտպանության նախարար Յոավ Գալանտը հետաձգել է չորեքշաբթի նախատեսված այցը Միացյալ Նահանգներ՝ վարչապետ Բենիամին Նեթանյահուի…
Հայաստանի պատմության թանգարանը ՀՀ արտաքին գործերի նախարարության նախաձեռնությամբ և ՀՀ ԱԳՆ փոխնախարար Պարույր Հովհաննիսյանի գլխավորությամբ…