Արդարադատության նախարարի տեղակալ Կարեն Կարապետյանն ընդունել է Հայաստանում ԵՄ պատվիրակության ներկայացուցիչներին՝ քննարկելու Հայաստանում անձնական տվյալների պաշտպանության հիմնահարցերը:
Հանդիպմանը մասնակցել են ՀՀ անձնական տվյալների պաշտպանության գործակալության պետ Գրիգոր Ներսիսյանը, ԵՄ պատվիրակության համագործակցության ղեկավար Ֆրենկ Հեսսը, Միջազգային օգնության ու համագործակցության պատասխանատու Իրինա Մովսեսյանը և ԵՄ փորձագետ Փիլիպոս Միթլթոնը, ով այս օրերին Երևանում է՝ Հայաստանում անձնական տվյալների պաշտպանության վերաբերյալ վերլուծություն իրականացնելու նպատակով։
Եվրոպական Միության աջակցությամբ իրականացվող այս ծրագրի շրջանակում ԵՄ փորձագետը գործուղվել է Հայաստան՝ ուսումնասիրելու մեր երկրում անձնական տվյալների պաշտպանության առկա վիճակը, ազգային իրավական և ինստիտուցիոնալ շրջանակը, որի արդյունքում զեկույց կպատրաստի՝ ներկայացնելով համապատասխան առաջարկություններ ու դիտողություններ՝ ոլորտի զարգացմանն աջակցելու նպատակով։
Կարեն Կարապետյանը բարձր է գնահատել ԵՄ ջանքերը՝ Հայաստանում անձնական տվյալների պաշտպանության իրավունքի զարգացման գործում՝ հույս հայտնելով, որ ծրագրի իրականացումը կնպաստի համապատասխան իրավական դաշտի բարելավմանը ու անձնական տվյալների պաշտպանության լիազոր մարմնի՝ Անձնական տվյալների պաշտպանության գործակալության զարգացմանը։
ԵՄ փորձագետն առաջիկա օրերին կաշխատի Գործակալության մասնագետների հետ, կհանդիպի պետական մի շարք կառույցների ներկայացուցիչներին։
Հոկտեմբերի 11-ից Տիգրան Մեծի պողոտա – Խանջյան փողոցի խաչմերուկում կկատարվի երթևեկության կազմակերպման փոփոխություն: Մասնավորապես՝ Տիգրան…
Երևանի քաղաքապետարանից հայտնում են, որ հոկտեմբերի 12-ից Դավիթ Անհաղթի – Ուլնեցու փողոցների խաչմերուկում կկատարվի երթևեկության…
ՀՀ առողջապահության նախարար Անահիտ Ավանեսյանն ուղերձ է հղել հոգեկան առողջության համաշխարհային օրվա առթիվ։ «Այսօր հոգեկան…
Կլինիկայի հիմնադիր տնօրեն Արթուր Սարգսյանը սոցցանցի էջում ցավակցություն է հայտնել և պարզաբանում ներկայացրել տեղի ունեցածի…
«Քաղաքացիական պայմանագիր» խմբակցության պատգամավոր Հովիկ Աղազարյանը «Ազատության» հետ զրույցում ասել է, որ «Քաղաքացիական պայմանագրի» վարչության…
ՀՀ վարչապետ Նիկոլ Փաշինյանը շնորհավորական ուղերձ է հղել Շիգերու Իշիբային Ճապոնիայի վարչապետ ընտրվելու առիթով: Ուղերձում…