Խաղաղության համաձայնագրի անավարտ տեքստը ստորագրելու՝ Հայաստանի համառ փորձերը ոչ այլ ինչ են, քան միջազգային հանրության աչքին թոզ փչելու և իր իրական մտադրությունները թաքցնելու փորձ. TV Berlin-ին տված հարցազրույցում ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը։
«Հայաստանն ու նրա աջակիցները պետք է հասկանան, որ առանց Հայաստանի սահմանադրության փոփոխության անհնար է վերացնել հայ-ադրբեջանական հակամարտության արմատական պատճառները և կայուն խաղաղության հասնել։
Գնդակը Հայաստանի կողմում է, և մենք հույս ունենք, որ նրանք բաց չեն թողնի մեր հարաբերությունների ողբերգական էջը շրջելու պատմական հնարավորությունը»,-ասել է նա։
