ՀԱՄԱՍ-ի գաղտնի հանդիպումների արձանագրությունները, որոնք առգրավվել են իսրայելական զինվորականների կողմից, մանրամասն նկարագրում են նախորդ տարի հոկտեմբերի 7-ի հարձակման պլանավորումը, գրում է The New York Times-ը՝ նշելով, որ այդ փաստաթղթերը հայտնվել են իրենց ձեռքի տակ։
Հրատարակությունը, վկայակոչելով իսրայելցի զինվորականներին ստացած փաստաթղթերը, գրում է, որ պաղեստինյան խմբավորումն առաջին անգամ ծրագրել էր հարձակում Իսրայելի վրա 2022 թվականի աշնանը, սակայն հետաձգել էր այդ ծրագիրը, քանի որ մտադիր էր դրան ներգրավել Իրանին և «Հըզբոլլահին»։
Նշվում է, որ 2023 թվականի հուլիսին ՀԱՄԱՍ-ը բարձրաստիճան պաշտոնյայի ուղարկեց Լիբանան, որտեղ նա հանդիպեց իրանցի հրամանատարի հետ՝ խնդրելով օգնել հարվածներ հասցնել իսրայելական կարևոր թիրախներին՝ ստանալով պատասխան, որ ընդհանուր առմամբ Իրանը և Հըզբոլլահը աջակցում են իրենց, բայց ոչ լիարժեք։
Այնուամենայնիվ, պաղեստինյան խմբավորումը, ի վերջո, որոշեց, որ պետք է շարունակի գործել անկախ՝ մասամբ թույլ չտալու համար Իսրայելին նոր առաջադեմ հակաօդային պաշտպանության համակարգ տեղակայել նախքան ներխուժումը: Ներխուժումը հնարավորինս անսպասելի դարձնելու համար ՀԱՄԱՍ-ը 2021 թվականից ի վեր միտումնավոր խուսափել է Իսրայելի հետ լուրջ բախումներից, քանի որ նման ռազմավարությունը պետք է «համոզի թշնամուն, որ Համասը Գազայում խաղաղություն է ուզում», ասվում է հրապարակման մեջ։
