Մի քանի տասնյակ Էկոակտիվիստներ նոյեմբերի 29-ին մի քանի ժամ արգելափակել Էին Amazon ինտերնետ-առեւտրի ընկերության ֆրանսիական բաժանմունքի կենտրոնակայանը: Ինչպես հայտնել Է Europe 1 ռադիոկայանը, բողոքը կապված Էր «Սեւ ուրբաթի»՝ նվազեցված գներով ապրանքների սպառավաճառքների խոշորագույն օրվա հետ, տեղեկացնում Է «Արմենպրես»-ը:
Ակցիային, որն անցկացվել Է Փարիզի արվարձանում գտնվող Կլիշի քաղաքի (Օ դե Սենի դեպարտամենտ) մերձակայքում, մասնակցել են, մասնավորապես, Greenpeace-ի, Attac-ի (ԱՏՏԱԿ) եւ Extinction Rebellion-ի ակտիվիստները:
Էկոակտիվիստների ձեռքին ցուցապաստառներ Էին այն ապրանքների զանգվածային օգտագործումից հրաժարվելու կոչերով, որոնք միայն բացասաբար են ազդում շրջակա միջավայրի եւ մոլորակի կլիմայի վրա արդյունաբերական գործունեության եւ տրանսպորտային փոխադրումների ընդլայնման պատճառով: «Դադարեցնե՛լ «սեւ ուրբաթների» անցկացումը: Նման գործունեությունը չի կարող անպատիժ մնալ»,- ազդարարում Է պլակատներից մեկը: Մյուսն Amazon-ի գործունեությունը սահմանափակելու պահանջ Է բովանդակում՝ ուղղված Ֆրանսիայի Ազգային ժողովին. «Պատգամավորներ, ընտրություն կատարեք. կա՛մ կլիմայի պաշտպանություն, կա՛մ Amazon-ի»:
«Այսօր Amazon ընկերության կողմից ջերմոցային գազերի արտանետումները հասել են մի ամբողջ երկրի մասշտաբներին»,-հավաքվածների առջեւ հայտարարել Է Greenpeace-ի ֆրանսիական բաժանմունքի ղեկավար Ժան-Ֆրանսուա Ժյույարը: Նա նշել Է, որ ընկերությունը կարող Էր զգալիորեն կրճատել վնասակար գազերի արտանետումը՝ փոխելով իր տրանսպորտային քաղաքականությունը, մասնավորապես, բեռների մեծաքանակ փոխադրումներն ինքնաթիռներով», հաղորդել Է ՏԱՍՍ-ը: