Օտարերկրյա բուհերում անվճար սովորելու ի՞նչ հնարավորություններ կան

Հայկական կրթական միջավայր պորտալում հրապարակվել է Ժաննա Ֆուրտոյանի հեղինակած տեղեկատվական անդրադարձը՝ օտարերկրյա բուհերում անվճար կրթություն ստանալու հնարավորությունների վերաբերյալ։

«Հայաստանի Հանրապետության կառավարությունը ՀՀ կրթության, գիտության, մշակույթի և սպորտի նախարարության հետ համատեղ իրականացնում է միջպետական համագործակցության ծրագրեր օտարերկրյա բուհերի հետ, որոնք միտված են օտարերկրյա պետությունների պետական բուհերում ՀՀ քաղաքացիների ուսումնառության կազմակերպմանը,  կրթության մակարդակի բարձրացմանը, նորարարական կրթական ծրագրերի խթանմանը, միջազգային կապերի ընդլայնմանը, ինչպես նաև հայկական կրթական հաստատությունները միջազգային ասպարեզում ճանաչելի դարձնելուն և Հայաստանը որպես հուսալի ու գիտականորեն զարգացող երկիր ներկայացնելուն։

Օտարերկրյա 7 պետությունների (Վիետնամի Սոցիալիստական Հանրապետություն, Ռումինիա, Հորդանանի Հաշիմյան Թագավորություն, Բուլղարիայի Հանրապետություն, Չինաստանի Ժողովրդական Հանրապետություն, Ռուսաստանի Դաշնություն, Վրաստան) պետական բարձրագույն ուսումնական հաստատություններում միջպետական համաձայնագրերով Հայաստանի Հանրապետության կրթության, գիտության, մշակույթի և սպորտի նախարարությանը հատկացված կրթաթոշակային տեղերի մասին ներկայացնում ենք ամփոփ և հանրամատչելի տեղեկատվություն»,- նշված է հրապարակման մեջ։

Տեղեկատվությանն ամբողջությամբ կարող եք ծանոթանալ կից հղումով։

Նյութը պատրաստվել է Կրթական տեխնոլոգիաների ազգային կենտրոնում (ԿՏԱԿ)՝ ԿԳՄՍ նախարարության արտաքին կապերի և սփյուռքի վարչության աջակցությամբ։