Շվեյցարիայի Դաշնային խորհուրդը դիմել է կառավարությանը՝ Լեռնային Ղարաբաղի հակամարտությանը նվիրված միջազգային խաղաղության համաժողով կազմակերպելու առաջարկով:
Ընդունված բանաձևում խորհրդարանականները կոչ են անում խորհրդաժողովը կազմակերպել հնարավորինս շուտ՝ մեկ տարվա ընթացքում:
Կոնֆերանսի նպատակն է «նպաստել Ադրբեջանի և Լեռնային Ղարաբաղի հայերի ներկայացուցիչների միջև բաց երկխոսությանը պատմական հայ բնակչության անվտանգ և հավաքական վերադարձի վերաբերյալ՝ միջազգային դերակատարների հսկողության կամ ներկայության ներքո»:
Խորհրդարանականները հիշեցնում են միջազգային դատարանի 2023թ․ նոյեմբերի 17-ի որոշումը, որը պարտավորեցրել էր Ադրբեջանին՝ ապահովել սեպտեմբերի 19-ից հետո Լեռնային Ղարաբաղից հեռացած մարդկանց վերադարձը, եթե նրանք նման ցանկություն ունեն:
Նրանք նաև հիշեցրել են Եվրախորհրդարանի ս․թ․ մարտի 12-ի բանաձևի մասին, որում Ադրբեջանին կոչ է արվում անցնել Ղարաբաղի հայերի հետ թափանցիկ երկխոսության:
Նախագծի հեղինակներն ընդգծել են հակամարտության խաղաղ կարգավորման և Լեռնային Ղարաբաղի հայ բնակչության իրավունքների պաշտպանության համար նոր բանակցային ձևաչափի անհրաժեշտությունը՝ նշելով, որ աշխարհաքաղաքական լարվածության պատճառով ԵԱՀԿ Մինսկի խմբի հնարավորություններն այսօր խիստ սահմանափակ են:
Խորհրդարանականները նաև ընդգծել են միջազգային հակամարտություններում Շվեյցարիայի, որպես չեզոք միջնորդի, հաջողված փորձը՝ հիշեցնելով, որ 2009թ. հոկտեմբերին «հենց Շվեյցարիայի միջնորդությամբ Հայաստանի և Թուրքիայի միջև ստորագրվեցին ցյուրիխյան արձանագրությունները՝ ուղղված երկկողմ հարաբերությունների կարգավորմանը»:
Հայաստանը պետք է հաշվետվություն ներկայացնի երկրում գործող այն գործարանների գործունեության մասին, որոնք զբաղվում են վտանգավոր…
Իսրայելը Իրանին հակահարված կտա մինչև նոյեմբերի 5-ը. գրում է CNN-ը։ Մանրամասները հեռուստաալիքի աղբյուրը չի հայտնել։…
Թուրքիայի նախագահ Ռեջեփ Թայիփ Էրդողանը զգուշացրել է այն ռիսկի մասին, որ Իսրայելի աճող ագրեսիան տարածաշրջանը…
Թուրքիայի իշխանությունները հայտնել են այսօր երկրի հարավ-արևելքում՝ Մալաթիա նահանգում, տեղի ունեցած հզոր երկրաշարժի հետևանքով տուժածների…
Վարչապետ Նիկոլ Փաշինյանն ընդունել է Հայաստանում հավատարմագրված Եվրոպական միության անդամ պետությունների արտակարգ և լիազոր դեսպաններին՝…
Ուկրաինայի նախագահ Վլադիմիր Զելենսկու առաջարկած «հաղթանակի ծրագիրն» իրականում ԱՄՆ-ի՝ Ռուսաստանի դեմ ուրիշի ձեռքով կռվելու ծրագիր…