Էներգետիկայի հարցերով եվրոպական հանձնակատար Կադրի Սիմսոնը հայտարարել է, որ ԵՄ-ն կարող է փոխարինել Ուկրաինայով մատակարարվող ռուսական գազը՝ հունվարին պայմանագրի ժամկետի ավարտից հետո:
«Ես հաստատել եմ, որ մենք պատրաստ ենք Ռուսաստանի և «Նավթոգազի» միջև պայմանագրի ավարտին: Կան 14 միլիարդ խորանարդ մետր ռուսական գազին փոխարինող տարբերակներ»,- մեջբերել է նրա խոսքերը Reuters-ը։
Սիմսոնը հավելել է, որ ռուսական գազի շարունակական օգտագործման համար «ոչ մի արդարացում» չկա։
«ԵՄ-ն կարող է ապրել առանց ռուսական գազի»,- ասել է նա:
Կադրի Սիմսոնը հայտարարել է, որ Եվրամիությունը լրջորեն նվազեցրել է իր կախվածությունը ռուսական գազից Ուկրաինայի պատերազմի ժամանակ և պատրաստ է ամբողջությամբ հրաժարվել դրանից։
Չնայած Ուկրաինայում շարունակվող պատերազմին՝ Ռուսաստանի Դաշնությունից գազը շարունակում է Եվրոպա հոսել Կիևի կողմից վերահսկվող տարածքներով՝ հինգ տարի առաջ ռուսական «Գազպրոմի» և ուկրաինական «Նավթոգազի» միջև կնքված համաձայնագրի համաձայն: Համաձայնագրի ժամկետը լրանում է 2024 թվականի դեկտեմբերին։
Հուլիսին գերմանական Handelsblatt տնտեսական թերթը գրել էր, որ եվրոպական մի քանի երկիր աշխատում է Ուկրաինայի տարածքով ռուսական գազի մատակարարումները ԵՄ շարունակելու ուղղությամբ։
Սակայն օգոստոսի 30-ին Վոլոդիմիր Զելենսկու գրասենյակի ղեկավարի խորհրդական Միխայլո Պոդոլյակը հայտարարել է, որ Կիևը մտադիր է 2025 թվականի հունվարի 1-ից դադարեցնել գազի մատակարարումը Ռուսաստանից Եվրոպա։
Առողջապահության նախարար Անահիտ Ավանեսյանը հանդիպել է Եվրամիության (ԵՄ) երկրների դեսպանների հետ և ներկայացրել առողջապահության ոլորտում…
«3+3» խորհրդատվական տարածաշրջանային հարթակը Հարավային Կովկասում և Միջին Արևելքում խաղաղության և կայունության հասնելու համար տարածաշրջանի…
Freedom House միջազգային իրավապաշտպան կազմակերպությունը հրապարակել է Ազատությունը համացանցում «Վստահության համար պայքարը առցանց տիրույթում» վերտառությամբ…
ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով բացահայտվել է…
Նիգերիայի հյուսիսում բենզատարի պայթյունի հետևանքով զոհերի թիվը հասել է առնվազն 140-ի, հայտնում է «Ֆրանս-պրեսս» գործակալությունը՝…
ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ընդունել է «Huawei Technologies Armenia»-ի գլխավոր տնօրեն…