Առողջապահության նախարար Անահիտ Ավանեսյանը հանդիպել է Եվրամիության (ԵՄ) երկրների դեսպանների հետ և ներկայացրել առողջապահության ոլորտում ընթացիկ բարեփոխումները, Եվրամիության հետ իրականացվող և ընթացիկ ծրագրերը:
Հանդիպմանը նախարար Ավանեսյանն անդրադարձել է առողջության առաջնային պահպանման օղակի հզորացմանը, շտապօգնության ծառայության բարելավմանը և արդիականացմանը, Էլեկտրոնային առողջապահությանը, բժշկական ծառայությունների որակի բարելավմանը միտված ընթացիկ աշխատանքներին` որպես առողջության համապարփակ ծածկույթի բաղադրիչներ, հայտնում են Առողջապահության նախարարությունից։
Հանդիպմանն անդրադարձ է եղել նաև բուժանձնակազմի կրթական վերապատրաստումներին և բուժաշխատողների լիցենզավորմանն առնչվող գործընթացին:
Ոլորտային շինարարական ծրագրերի մասին խոսելիս նախարարը դեսպաններին հայտնեց նոր ամբուլատորիաների կառուցման համար տենդերային նախագծի մասին:
Անահիտ Ավանեսյանը անդրադարձել է նաև ՀՀ-ԵՄ համապարփակ և ընդլայնված գործընկերության համաձայնագրի (CEPA) շրջանակում իրականացվող ծրագրերին, այդ թվում` վարակիչ և ոչ վարակիչ հիվանդությունների կանխարգելմանը և խմելու ջրի որակի ստանդարտացմանն ուղղված, ինչպես նաև առողջության համապարփակ ապահովագրության ծրագրի շրջանակում նախատեսվող ԵՄ Թվիննինգ ծրագրին:
Ոլորտային բարեփոխումները և նախատեսվելիք ծրագրերը ներկայացնելուն հաջորդել է հարցուպատասխան:
Հայաստանում Եվրամիության առաքելության ղեկավար Վասիլիս Մարագոսը շնորհակալություն է հայտնել նախարարին ոլորտի բարեփոխումների և կարիքների ներկայացման համար` շեշտելով առողջապահության ոլորտի հզորացմանը միտված համատեղ աշխատանքների կարևորությունը և հույս հայտնել, որ ԵՄ աջակցությամբ ոլորտի շատ խնդիրներ կունենան իրենց պատասխանները:
«3+3» խորհրդատվական տարածաշրջանային հարթակը Հարավային Կովկասում և Միջին Արևելքում խաղաղության և կայունության հասնելու համար տարածաշրջանի…
Էներգետիկայի հարցերով եվրոպական հանձնակատար Կադրի Սիմսոնը հայտարարել է, որ ԵՄ-ն կարող է փոխարինել Ուկրաինայով մատակարարվող…
Freedom House միջազգային իրավապաշտպան կազմակերպությունը հրապարակել է Ազատությունը համացանցում «Վստահության համար պայքարը առցանց տիրույթում» վերտառությամբ…
ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով բացահայտվել է…
Նիգերիայի հյուսիսում բենզատարի պայթյունի հետևանքով զոհերի թիվը հասել է առնվազն 140-ի, հայտնում է «Ֆրանս-պրեսս» գործակալությունը՝…
ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանն ընդունել է «Huawei Technologies Armenia»-ի գլխավոր տնօրեն…