«Չի կարելի հավատալ բարեկամության եւ եղբայրության մասին Իրանի նախագահ Փեզեշքիանի տված խոստումներին»,- կարծում է ադրբեջանցի փորձագետ Սադրեդին Սոլթանը:
Նա այդ տեսակետն է արտահայտել՝ անդրադառնալով Ադրբեջանի փոխվարչապետ Շահին Մուստաֆեւի Թեհրան այցին:
Մուստաֆաեւը, ինչպես իրանական աղբյուրներն են փոխանցել, նախ հանդիպում է ունեցել Իրանի նախագահ Փեզեշքիանի, ապա՝ արտաքին գործերի նախարար Արաղչիի հետ:
Փորձագետները համարում են, որ «սկզբունքային հարցերի շուրջ քննարկումների համար Իրանի նախագահը լիազորել է արտաքին գործերի նախարարին, ինչը վկայում է, որ իրանա-ադրբեջանական հարաբերություններում կուտակվել են մի շարք հարցեր, որոնց շուրջ կողմերի մոտեցումներն էականորեն տարբերվում են»:
Իրանի նկատմամբ Ադրբեջանի քաղաքական շրջանակների անվստահությունը, ինչպես փորձագետ Սոլթանն է ասում, պայմանավորված է մի քանի հանգամանքով:
Առաջին լուրջ խնդիրն, անշուշտ, այսպես կոչված «Զանգեզուրի միջանցքի» հարցում Թեհրանի դիրքորոշումն է, որ մնում է անփոփոխ:
Ադրբեջանի փոխվարչապետի հետ հանդիպմանն Իրանի նախագահը միանշանակորեն ասել է, որ տարածաշրջանում խաղաղության, կայունության եւ համագործակցության «հիմքը բոլոր երկրենրի ինքնիշխանության եւ սահմանների անխախտելիության սկզբունքն է»:
Խիստ ուշագրավ է, որ Իրանի արտաքին գործերի նախարար Արաղչիի հետ հանդիպմանն Ադրբեջանի փոխվարչապետը Մուստաֆաեւը հավաստիացրել է, որ Բաքուն «հարեւան երկրներին հարված հասցնելու համար երրորդ ոչ մի երկրի տարածք չի տրամադրի»։
Խոսքն, անկասկած, Իրանի դեմ Իսրայելի հրթիռային հարվածների մասին է: Այս հարցում, սակայն, Բաքուն չափազանց ուշացել է. Իրանի արտաքին գործերի նախարար Արաղչին տարածաշրջանում «մաքոքային դիվանագիտության» միջոցով հասել է նրան, որ Իսրայելն այս փուլում հստակ չի կողմնորոշվել՝ արժե՞ հարվածել Իրանին, թե՞՝ ոչ:
Թիվ 1 սյունակ, Վահրամ Աթանեսյան
ԱԺ անվտանգության ծառայության աշխատակիցներն ԱԺ շենքից այսօր հանել են նախկին պատգամավոր Ռուբիկ Հակոբյանին, որ մասնակցում…
Վրացական գինու արտահանումից եկամուտները կհասնեն 500 մլն դոլարի․ հայտարարել է Վրաստանի խորհրդարանի նախագահ Շալվա Պապուաշվիլին։…
Վարչական շրջանի աշխատանքային ծրագրերով ընթացքի մեջ են գտնվում Աէրացիա փ. հ.2 շենքի բակի բարեկարգման աշխատանքները։ …
2023 թվականի մայիսի 27-ին, ժամը 08:00-ից մինչև 20:00-ն ընկած ժամանակահատվածում, Ներքին գործերի նախարարության ոստիկանության պարեկային…
Միջազգային Տրանսպորտային ֆորումի #ITF Ավտոմոբիլային տրանսպորտի խմբի 2024 թվականի հոկտեմբերի 10-11-ին կայացած հանդիպման ժամանակ քննարկվել…
Այսօր Վանաձոր են այցելել ԵՄ դեսպան Վասիլիս Մարագոսը և 14 եվրոպական երկրի արտակարգ և լիազոր…