Թել Ավիվի մոտ բեռնատարի վթարի հետևանքով վիրավորների թիվը հասել է 35-ի

Թել Ավիվի մերձակայքում բեռնատարի՝ ավտոբուսի կանգառի մեջ մխրճվելու հետևանքով տուժածների թիվը հասել է 35-ի, հայտնում է իսրայելական 12 հեռուստաալիքը՝ վկայակոչելով բժիշկներին։

«Բժիշկներն ու բուժաշխատողները հիվանդանոցներ են տարհանել 35 վիրավորի, որոնցից 6-ի վիճակը ծանր է»,- ասվում է հեռուստաալիքի հաղորդագրության մեջ։

Նշվում է, որ բեռնատարի վարորդը «վնասազերծվել է»։ 

Հիշեցնենք՝ ավելի վաղ Իսրայելի ոստիկանությունը հայտնել է, որ Թել Ավիվի հյուսիսային Գլիլոտ շրջանում բեռնատարը մխրճվել է ավտոբուսի կանգառի մեջ, տեղի ունեցածը անվանել են ահաբեկչություն։