Արցախի խնդիրը նախկին իշխանությունների կողմից տոտալ շահարկվում է: Այս մասին այսօր ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
Դիտարկմանը, թե այսօր ԼՂ բանակցությունները վտանգավոր փուլ են մտել եւ այդ ֆոնին մեղադրանք է առաջադրվում Սերժ Սարգսյանին, Մարուքյանն արձագանքեց. «Ուղիղ մեկ տարի առաջ ընտրությունների քարոզչության շրջանն էր եւ նախկին իշխանություններն այն ժամանակ էլ ասում էին՝ վայ, Ղարաբաղին վտանգ է սպառնում: Արցախի խնդիրը նախկին իշխանությունների կողմից տոտալ շահարկվում է: Հիմա էլ ասում են՝ բանակցությունները մտել են մի այնպիսի փուլ, որ չգիտեմ ինչ է լինելու: Մենք սա արդեն լսում ենք 30 տարի: Այդ մեղադրանքը, որ իշխանությունները հեսա հողերը հանձնելու են, այդ մեղադրանքը եղել է նաեւ Սերժ Սարգսյանի նկատմամբ նույնպես: Սա անդադար մեղադրանք է»:
