Ադրբեջանական կողմը կտրականապես մերժել է Բլինքենի միջնորդությունը
Մալթայում կայացած ԵԱՀԿ արտգործնախարարների խորհրդի 31-րդ նիստին Ադրբեջանի և Հայաստանի արտգործնախարարներ Ջեյհուն Բայրամովի և Արարատ Միրզոյանի հանդիպում նախատեսված չէ:
Ադրբեջանական զլմ-ները հայտնում են, որ այդ հանդիպումը չի կայացել Ադրբեջանի մերժման պատճառով։
Մասնավորապես, նրանք հայտնում են, որ ԱՄՆ պետքարտուղար Էնթոնի Բլինքենը հանդես է եկել ԵԱՀԿ արտգործնախարարների խորհրդի շրջանակներում Ադրբեջանի և Հայաստանի արտգործնախարարների հանդիպում անցկացնելու նախաձեռնությամբ: Բլինքենը պնդել է այդ հանդիպման միջնորդությունը։
Սակայն ադրբեջանական կողմը կտրականապես մերժել է Բլինքենի՝ հանդիպում անցկացնելու առաջարկը։
Ըստ ադրբեջանական աղբյուրների հանդիպմանը չմասնակցելու հիմնական պատճառը եղել է այն, որ ԱՄՆ-ն ներկայումս չի մասնակցում Ադրբեջանի և Հայաստանի միջև խաղաղության գործընթացին: Այս նախաձեռնությամբ Բլինքենը մտադիր է եղել ԱՄՆ-ին կրկին ներառել խաղաղության գործընթացի մեջ։ Ադրբեջանի մասնակցության մերժման պատճառն էլ եղել է այն, որ «ընդհանուր առմամբ Բայդենի վարչակազմը անարդար և կանխակալ քաղաքականություն է վարում Ադրբեջանի նկատմամբ»:
«Այդ պատճառով Ադրբեջանը չի ցանկանում ԱՄՆ- ի մասնակցությունը խաղաղության օրակարգին, դա նպատակահարմար չի համարում», – ասել է դիվանագիտական աղբյուրը:
Recent Posts
Ամեն ինչ կախված է ՌԴ՝ խաղաղության հասնելու ձգտումից
Կիևում մեկնարկել է Ուկրաինայի նախագահ Վոլոդիմիր Զելենսկու և օտարերկրյա առաջնորդների համատեղ մամուլի ասուլիսը՝ Ուկրաինա ռուսական…
Վիզաների ազատականացումը կնպաստի մարդկային շփումներին․ վարչապետ
Վարչապետ Նիկոլ Փաշինյանն ընդունել է ԵՄ-Հայաստան խորհրդարանական գործընկերության կոմիտեի համանախագահ Նիլս Ուշակովսի գլխավորած պատվիրակությանը: Վարչապետը…
Netflix-ը 1 միլիարդ դոլար կներդնի Մեքսիկայում
Netflix-ի գլխավոր գործադիր տնօրենը հայտարարել է, որ շուրջ 1 միլիարդ դոլար ներդրում անելով առաջիկա 4…
Վրաստանը պատրաստ է Ամերիկայի և Եվրոպայի հետ հարաբերությունները սկսել զրոյից․ Կալաձե
Վրաստանի իշխանությունները պատրաստ են վերականգնել հարաբերությունները Ամերիկայի և Եվրոպայի հետ և ամեն ինչ սկսել զրոյից,…
Ռուսաստանը՝ Sputnik-Ադրբեջանի փակման մասին
Ադրբեջանը «հասկանում է Ռուսաստանի հետ դաշինքի կարևորությունը», և Մոսկվան «ակնկալում է, որ Բաքուն իր հետագա…
Դեսպան Կարապետյանն իր հավատարմագրերն է հանձնել Իտալիայի նախագահին
Իտալիայում ՀՀ նորանշանակ դեսպան Վլադիմիր Կարապետյանն իր հավատարմագրերն է հանձնել Իտալիայի Հանրապետության նախագահ Սերջո Մատարելլային:…