Մաղթում եմ, որ Սուրբ Ծննդյան խորհուրդը միավորի մեր ժողովրդին. ՀՀ նախագահ

Նախագահ Վահագն Խաչատուրյանն ուղերձ է հրապարակել Սուրբ Ծննդյան տոնի առթիվ:

«Սիրելի հայրենակիցներ,

Սրտանց շնորհավորում եմ Սուրբ Ծննդյան տոնի առթիվ:

Այս օրը Հայոց եկեղեցին նշում է Հիսուս Քրիստոսի Ծնունդն ու Աստվածհայտնությունը, որը խորհրդանշում է հոգևոր վերածնունդ, մաքրագործում և նոր սկիզբ:

Թող այս սրբազան տոնը լցնի մեր տները լույսով, ջերմությամբ և սիրով:

Մաղթում եմ, որ Սուրբ Ծննդյան խորհուրդը միավորի մեր ժողովրդին, ամրապնդի մեր հավատը և ոգեշնչի մեզ՝ միասին կերտելու ավելի պայծառ ապագա:

Թող խաղաղությունը և բարօրությունը տիրեն մեր երկրում և յուրաքանչյուրի օջախում: Աստված պահապան մեր ժողովրդին և պետությանը:

Քրիստոս ծնավ և հայտնեցավ,

Մեզ և ձեզ մեծ ավետիս»,- նշված է նախագահի ուղերձում։