ԱԳ նախարար Արարատ Միրզոյանն արձագանքել է Ադրբեջանի նախագահ Իլհամ Ալիևի հայտարարություններին՝ նշելով, որ Հայաստանը տրանսպորտային ուղիների ապաշրջափակմանը հետամուտ է ոչ թե որևէ երկրի պահանջով, այլ, որ շահագրգիռ է դրանով․
«Հայաստանը չի ուզում և չի պատրաստվում լինել պատնեշ։ 21-րդ դարում բոլոր երկրներն ուզում են հարաբերություններ, առևտուր, շարժ»,- ասել է նա՝ հավելելով, որ Հայաստանն ուզում է լինել ոչ թե պատնեշ, այլ՝ կամուրջ.
«Մենք ուզում ենք լինել ոչ թե սեպ, այլ կապող օղակ, կամուրջ։ Սա վերաբերում է և՛ աշխարհագրորեն մեզ մոտ երկրներին՝ բառացիորեն կամուրջ լինելով, և՛ հեռու երկրներին»։
