«Հայաստանի արձագանքը ռուսական հեռուստատեսությամբ լրագրողական հայտարարություններին տարակուսելի է»․ այս մասին ամենշաբաթյա ճեպազրույցում հայտարարել է ՌԴ ԱԳՆ ներկայացուցիչ Մարիա Զախարովան։
«Մենք Երևանից միշտ լսել ենք, որ Հայաստանը հավատարիմ է խոսքի ազատությանը, առավել ևս, Հայաստանի ներկայիս ղեկավարությունը դա դարձրել է իր հրամայականը։ Մոսկվայի պաշտոնական դիրքորոշումը հայտնի է Երևանին»,- ընդգծել է Զախարովան։
Ըստ նրա՝ Ռուսաստանը հետևողականորեն խոսում է եռակողմ պայմանավորվածությունների հիման վրա տրանսպորտային և տնտեսական բոլոր կապերի ապաշրջափակման մասին:
Զախարովան նշել է, որ Արևմուտքի ապակառուցողական ազդեցության պատճառով եռակողմ աշխատանքային խմբի շրջանակներում հայկական կողմի աշխատանքի տեմպերը նվազել են․
«Վստահ ենք, որ խմբի շրջանակներում լիարժեք փոխգործակցության շուտափույթ վերականգնումը ոչ միայն կնպաստի Հարավային Կովկասում տրանսպորտային-կոմունիկացիոն համակարգի վերականգնմանը, այլև կապահովի ողջ տարածաշրջանի հետագա սոցիալ-տնտեսական զարգացումը», – ասել է նա:
