Եռակողմ աշխատանքային խմբում երբեք չի քննարկվել Հայաստանում արտատարածքային միջանցքների ստեղծման հարցը․ այս մասին հայտարարել է ՌԴ ԱԳՆ ներկայացուցիչ Մարիա Զախարովան։
«Պայմանավորվածություն է ձեռք բերվել, որ երկրներն ունեն ինքնիշխանություն և իրավասություն իրենց տարածքով անցնող երթուղիների նկատմամբ»,- հավելել է նա։
Զախարովան կրկին հայտարարել է, որ Մոսկվան բացասաբար է վերաբերում Հայաստանում ԵՄ առաքելությանը։
«Այն օտար մարմին է Հվ․ Կովկասի տարածաշրջանի համար։ Եթե առաքելությունն ուղղված է կայունությանը, ինչո՞ւ նրա մանդատը երկարաձգելու որոշման ժամանակ հաշվի չի առնվում տարածաշրջանային խաղացողի կարծիքը, որը շահագրգռված է իրավիճակի կարգավորմամբ»,- հայտարարել է նա։
