Վահրամ Աթանեսյանը գրել է.
«Բաքվի հատուկ ծառայությունների կողմից Վլադիմիր Պուտինի անձնական իմացությամբ առեւանգված ԼՂՀ նախկին նախագահների եւ մյուս պաշտոնյաներիի հասցեին մեկուկես տարի վայրահաչելուց հետո համոզվեցի՞ք, որ նրանք եվրոպաներում չեն, ալիեւյան զնդաններում են:
Հասկացա՞ք, որ ոչ թե Արկադի Ղուկասյանին կամ Արայիկ Հարությունյանին, այլ բոլորիս են ուզում դատել: Գիտակցու՞մ եք, որ կաշի եք փրկել՝ նրանց թողնելով մենակ: Խղճի խայթ զգու՞մ եք, որ Ռուբեն Վարդանյանին մղել եք արկածախնդրություն, երբ հարկադրել եք, որ շրջափակված Ստեփանակերտում «Արցախի դիմադրության եւ զարգացման ճակատ» ստեղծի եւ հռչակի, որ «պետք է Սարդարապատ լինի»:
Եթե բարոյականության եւ մարդկային արժանապատվության նշույլ ունեք՝ վաղը հեռագրեք Իլհամ Ալիեւին, որ ադրբեջանական «արդարադատությանը» հանձնվելու տեղ եւ ժամանակ որոշի:
Իսկ եթե մարդկայնության վերջին փշրանքներն եք կորցրել, տեղներդ վեր ընկեք եւ առնետի ձեր որջում «կրծեք ձեր հացը»: Արդեն իրոք անտանելի եք դարձել, գոնե ձեր նվաստագույն չգոյությունը մի հիշեցրեք, հա՞»։
