Հունվարի 13-19-ը սպասարկվել է 400 հազար 933 ուղևոր. մետրոպոլիտեն

Երևանի մետրոպոլիտենը ներկայացրել է մետրոյի շաբաթը թվերով.

«Աշխատանքներն ընթանում են բնականոն հունով և Երևանի մետրոպոլիտենը շարունակում է ապահովել արագ և հարմարավետ ուղևորափոխադրում։

Շաբաթվա ուղևորահոսք․

Հունվարի 13-ից 19-ը մետրոպոլիտենը սպասարկել է 400 հազար 933 ուղևոր։

Շարժակազմերի տվյալներ․

Հաշվետու ժամանակահատվածում գիծ է դուրս բերվել 2910 շարժակազմ, որոնցից՝

750՝ երեք վագոնանի,
1127՝ երկու վագոնանի,
1024՝ մեկ վագոնանի։
Կատարողականը՝ 100․2%

Մաղթում ենք անվտանգ, արագ և անխափան երթևեկություն։

Աշխատանքային հաճելի շաբաթ բոլորին։

Տեղեկացնում ենք նաև, որ մետրոպոլիտենի բոլոր կայարաններում գանձապահները վաճառում են QR կոդեր։

Երևանի մետրոպոլիտենում արդեն կիրառելի են բանկային քարտերով վճարումները»։