«Մենք անկեղծորեն քննարկեցինք, ինչպես արդեն ասացի, մեր հարաբերությունների գրեթե ողջ սպեկտրը, ինչպես նաև տարածաշրջանային և միջազգային հարցեր, և մի շարք հարցերի շուրջ կարողացանք հասնել փոխընդունելի լուծումների»․ այս մասին հայտարարել է Սերգեյ Լավրովը Արարատ Միրզոյանի հետ տեղի ունեցած մամուլիս ասուլիս ընթացքում։
«Մոսկվայի և Երևանի շփման դադարը հաղթահարված է: Բանակցությունները կայացել են երկու երկրների ղեկավարների պայմանավորվածությամբ և բավականին հագեցած են եղել»,- հայտարարել է Լավրովը։
Ըստ ՌԴ արտգործնախարարի՝ կողմերը քննարկել են նաև ռազմավարական առումով կարևոր Սյունիքի մարզում հյուպատոսություն բացելու հեռանկարները։
«Դիվանագիտական անձնակազմի ընդլայնումը համապատասխանում է երկու երկրների շահերին»,- ընդգծել է Լավրովը։
ՌԴ արտգործնախարարը հայտնել է նաև, որ ընդունել է Միրզոյանի հրավերը և կայցելի Հայաստան, իսկ առաջիկայում մշակվում է նաև Վալենտինա Մատվիենկոյի այցը Երևան:
